Татварын албаны мэргэшсэн албан хаагчдыг бэлтгэн төлөвшүүлж, тэднийг зөв байршуулан, тэдний идэвхтэй үйл ажиллагааны үр дүнд татвар төлөгчдийн хууль зүйн мэдлэг боловсрол, хуулиа дээдлэх үзэл, хариуцлага сахилга батыг дээшлүүлж, татварын хуулийг орон нутагт бүрэн хэрэгжүүлж, татварын зөрчилгүй болгохыг зорино.

Татвар төлөгчдийн аж ахуйн үйл ажиллагаанд бүртгэлээр тавих хяналтыг хүчтэй болгож, хатуу мөрдсөнөөр албан татварыг үнэн зөв ногдуулж, хугацаанд нь хурааж төвлөрүүлэх, энэ үндсэн дээр улс, орон нутгийн төсвийг тогтвортой эх үүсвэрээр тасралтгүй хангах, улмаар төрийн зүгээс нийгэм эдийн засгийн бодлогыг хэрэгжүүлэх нөхцөлийг бүрдүүлнэ

1. Хариуцлага хүлээх ёс:

Төр ард түмний өмнө хүлээсэн үүрэг хариуцлагаа биелүүлж, татварын багц хууль болон эдийн засгийн тулгуур хуулиудыг орон нутагт хэрэгжүүлэх, орон нутгийн төсвийн орлогын төлөвлөгөөг жигд ханган биелүүлэх

2. Шударга ёс:

Татварын хэлтсийн ажилтнууд нь бүхий л үйл ажиллагаандаа холбогдох хууль тогтоомж, дүрэм зааврыг хатуу мөрдөж, мэргэжлийн өндөр ур чадвартай байж, ажилдаа үнэнч шударга хандах зарчмыг баримтлана

3. Найдвартай байдал:

Татварын албаны материаллаг бааз болон ажиллах хүчний нөөцийг зөв зохион байгуулж, найдвартай үйл ажиллагааг тасралтгүй явуулсанаар эрхэм зорилгоо ханган биелүүлж, өөрийнхөө үйл ажиллагааг төр ард түмнээр үнэлүүлж байхыг эрхэмлэнэ

МОНГОЛ УЛСЫН ТӨРИЙН АЛБАН ХААГЧИЙН ЭРХЭМЛЭХ ЕСӨН ЗҮЙЛ

"Төрийн албаны шинэтгэл: сорилт, боломж" Үндэсний анхдугаар чуулганаас эх орондоо ардчилсан, сайн засаглалыг төлөвшүүлэн бэхжүүлж, хөгжлийн таатай нөхцөлийг бүрдүүлэн, төр, иргэний итгэлцэлд тулгуурласан чанартай үйлчилгээг ард түмэндээ хүргэхийн төлөө төрийн нийт албан хаагчид дараах есөн зүйлийг эрхэмлэн дагаж мөрдөхөөр тогтов.

Нэг.Мэдлэгийг эрхэмлэнэ

Хариуцсан ажил үүргээ гүйцэтгэхэд хангалттай мэдлэгтэй байж, түүнийгээ цаг үеийн эрэлт шаардлагад нийцүүлэн байнга хөгжүүлж, мэргэжлийн мэдлэг, ажил хэргийн нэгдлийг нягт хангаж ажиллана

Хоёр. Чадварыг эрхэмлэнэ

Албан тушаалын чиг үүргээ хэрэгжүүлэхэд зохистой арга барил, ур чадвар, орчин үеийн мэдээллийн технологийн ололтыг чадамгай эзэмшиж, ажил үүргээ чадварлаг, үр бүтээлтэй гүйцэтгэнэ.

Гурав. Хууль ёсыг эрхэмлэнэ

Үндсэн хууль. бусад хуулийг үйл ажиллагаандаа дээдлэн сахин төрийн үйлчилгээг зөвхөн тэдгээрт нийцүүлэн хараат бус, бие даасан байдлаар хүргэж хэвшинэ.

Дөрөв. Ёс зүйг эрхэмлэнэ

Төрийн албан хаагчийн ёс зүйн дүрмийг хүлээн зөвшөөрсний үндсэн дээр төрийн албаны соёл, ёс зүйн үнэт зүйл, зарчим, хэм хэмжээ, шаардлагуудыг сахин биелүүлж, ёс зүйн аливаа зөрчилгүйгээр ажиллана

Тав. Шударга ёсыг эрхэмлэнэ

Албаны үйл ажиллагаа явуулах, үйлчилгээ үзүүлэх, шийдвэр гаргахдаа аливаа хэлбэрээр ялгаварлахгүй, тал тохой татахгүй, ямарваа

хөндлөнгийн нөлөөлөлд орохгүй, ашиг сонирхлын зөрчилд автахгүйгэзр зөвхен нийтийн ашиг сонирхолд нийцүүлж, чин шударгаар ажиллана.

Зургаа.Соёлтой харилцааг эрхэмлэнэ

Иргэдэд байнга хүндэтгэлтэи хандаж, тэднии итгэлийг олох хэмжээнд харилцааны соёлыг эзэмшин, үйл ажиллагаа, үйлчилгээгээ эелдэг, уриалгахан, ил тод байлгаж, олон нийтийн санаа бодлыг байнга авч, тэдний эрэлт хэрэгцээнд нийцүүлж ажиллана.

Долоо. Үнэнч байдлыг эрхэмлэнэ

Төрийн албандаа ямагт чин сэтгэлээс еериймсөг хандаж, албан үүргээ аль болох үр бүтээлтэй, илүү чанартай гүйцэтгэх талаар санаачилга, идэвх зүтгэл гарган, иргэдэд төриин үйлчилгээг бүрэн дүүрэн үзүүлэх талаар боломжтой бүх нөөц бололцоог дүүрэн ашиглаж ажиллана

Найм. Шуурхай байдлыг эрхэмлэнэ

Албаны үйл ажиллагааг явуулахдаа бусдад элдэв чирэгдэл учруулахгүй байж, ялангуяа иргэдийн өргөдөл, гомдол, санал хүсэлтэд нэн анхааралтай хандаж, боломжит хамгийн бага хугацаанд шийдвэрлэн хариу өгөх хэмжээнд ажлаа зохион байгуулна.

Ес. Хариуцлага, ил тод байдлыг эрхэмлэнэ

Албаны ажил хэргийг явуулахдаа өөрөөсөө зайлуулах, хариуцлагаас зайлсхийх зэргээр амиа аргацаах зохисгүй байдал гаргахгүй байж, хууль тогтоомжийн хүрээнд мэдээллийн ил тод, нээлттэй байх зарчмыг баримтлан, ажилдаа эзэн болж, шийдэмгий зоримог ажиллан, түүнийхээ гүйцэтгэлийн үр дүнг биечлэн хариуцна.

“Төрийн албаны шинэтгэл” сорилт, боломж" Үндэсний чуулганд оролцогчид

2011 оны зургаадугаар сарын 23-ны өдөр